Jæja bara....

Þá eru allir hvolparnir hennar Emblu komnir með ný heimili og líður bara vel þar eftir því sem við best vitum.

Evita litla varð eftir hjá okkur og við ætlum að halda áfram með hana í ræktuninni okkar. 

Svo urðum við þeirrar gæfu aðnjótandi að eignast hana Eyjafjallajökuls Fögru Fionu sem er standard Shnauzer pipar&salt

Fiona verður með tíð og tíma notuð í ræktun og bindum við miklar vonir við skvísuna. 

Annars eru allar nánari upplýsingar á facebook síðunni okkar  https://www.facebook.com/pages/Upp%C3%A1halds-Labrador/139609572742002

UPPÁHALDS HUNDAGISTING

Uppáhalds Hundagisting óskar landsmönnum öllum gleði og friðar á nýju ári. Við þökkum viðskiptin á nýliðnu ári og lítum björtum augum til hins nýja árs.

Á nýju ári sjáum við okkur ekki fært annað en að hækka aðeins gjaldskrá okkar.

Frá 1. janúar 2012 verður gjaldskráin sem hér segir:

Gjald fyrir 1 sólahring, kr:2.500-

Gjald fyrir 1/2 sólarhring,*kr:1.250-

Gjald fyrir mat per/sólarhring kr:300-500-

*Hálfur sólarhringur reiknast þegar liðnir eru 6 tímar inná nýjan sólarhring.

Við óskum landsmönnum öllum, til sjávar og sveita, gleðilegs árs 2012

Það er annars hrein skömm að því hve langt er síðan hér var skrifað síðast. Það verður að játast að Facebook síðan er aðeins of þægileg ;)

Annars er það helst að frétta að hvolpaskottinn okkar hafa öll fengið fín og frábær heimili og gengur mjög vel með þau öll, eftir því sem við best vitum.

Við tókum þá ákvörðun að eiga eina tíkina í áframhaldandi ræktun en það er hún Uppáhalds Evita Peron. Hún er fjörug og skemmtileg tík sem er mjög lofandi og við erum afar ánægð með ákvörðun okkar.

Við stefnum á got undan Herunni okkar núna á fyrri parti þessa árs. Nokkrar hugmyndir eru uppi um heppilegan rakka og stendur valið á milli tveggja frambærilegra hunda þar sem annar er gulur og hinn svartur. Það er auðvitað alltaf gaman að eiga von á bæði gulum og svörtum hvolpum en við sjáum hvað setur.

En þangað til næst, hvetjum við ykkur til að VARAST EFTIRLÍKINGAR...

Fallegu hvolpaskottin okkar  ...

eru nú orðin 17 daga gömul og hafa öll 3faldað fæðingarþyngd sína.

Þau eru búin að opna augun og aðeins farin að leika sér og stubbast um á litlu sætu fótunum sínum.

Embla er dugleg að fóðra börnin sín, en þau hafa gengið nokkuð nærri henni því hún er orðin mjög grönn. Samt borðar hún 3-4 faldan dagskammt af fóðri, svo þegar hvolparnir fara að fá hvolpafóður, þá erum við sannfærð um að Embla fer að braggast.

Lífið okkar er ljúft og það er notalegt að hlusta á hvolpana kumra hjá mömmu sinni, eða leika sér og prófa röddina sína :)

Við eigum enn ólofaða 4 hvolpa, þau Emír sem er gulur rakki, Ellesar sem er svartur rakki, Elendil er líka svartur rakki og Elenora drottning sem er svört tík.

Ekki hika við að hafa samband við okkur og fá að koma í heimsókn og skoða þessa gullmola með eigin augum.

Þangað til næst, hvetjum við alla til að kanna vel bakland þeirra hvolpa sem þeir eru að spá í, hvað varðar heilbrigði forfeðranna, og VARAST EFTIRLÍKINGAR...

Kveðja,

Sirrý

sími 772-5477 og uppahalds@gmail.com

Nú eru hvolparnir okkar orðnir vikugamlir og þau hafa öll meira en tvöfaldað fæðingarþyngd sína. Þau eru spræk á við læk og fara á næstu dögum að opna augu og eyru og líka prófa að stubbast um á litlu fótunum sínum. 

Lífið er ljúft hér á Herragarðinum og fátt notalegra en að hlusta á kumrið í hvolpaskottunum þegar þau hamast við að stækka og dafna.

Endilega skoðið myndirnar hér í albúmunum og NJÓTIÐ.

Þangað til næst minnum við alla á að VARAST EFTIRLÍKINGAR.

Kveðja,Sirrý

Sorg og gleði systur tvær...það er gömul saga og ný.

í gær 17. september 2011 gaut Emblan okkar 9 stórum og flottum hvolpum. Því miður þá kom einn þeirra andvana fæddur en gleðin yfir hinum 8 yfirskyggir sorgina. 

Embla stóð sig alveg með eindæmum vel eins og vonir stóðu til og sinnir krílunum sínum af stakri prýði. Skuggi fékk sérstklega mikið og gott knús fyrir sinn þátt í hamingjunni.

Endilega skoðið myndir af krílunum hér á síðunni.

Þangað til næst, viljum við minna alla á að 

VARAST EFTIRLÍKINGAR

Nú er hún Embla flotta...

um það bil hálfnuð á meðgöngunni. Við væntum hvolpa frá henni og Skugga rétt eftir miðjan næsta mánuð eða í kringum 20. september.

Við erum byrjuð að skrifa niður áhugasama væntanlega kaupendur að þessum eðalhvolpum.

Embla er með A- mjaðmir og A- olnboga, hún er með N/C/P augu og fór síðast í augnskoðun þann 5.júní 2011. Hún hefur aðeins einu sinni verið sýnd og fékk þá einkunnina VG sem þýðir m.a.: hundur er dæmigert eintak sinnar tegundar...

Skuggi er með A- mjaðmir og A- olnboga, hann er með N/C/P augu og fór síðast í augnskoðun 5. júní 2010. Hann hefur verið sýndir þrisvar og einu sinni fékk hann einkunnina EX sem þýðir m.a.: hundur sýndur í frábæru líkamlegu og andlegu jafnvægi, er stórglæsilegur og kostir hans sem fulltrúa hundakynsins augljósir. Skuggi hefur tvisvar fengið einkunnina VG.

Við teljum okkur vera með vandaða og góða einstaklinga og höfum einsett okkur að stuðla að framgangi tegundarinnar. Okkar markmið er ávalt að rækta fyrst og fremst skapgóða og heilbrigða heimilishunda, sem geta verið eigendum sínum til ánægju og yndisauka.

Ekki hika við að hafa samband og fá nánari upplýsingar um þetta eðalgot, annaðhvort í síma 772-5477 eða í gegnum netfangið okkar uppahalds@gmail.com

kveðja,

Sirrý Birgis

UPPÁHALDS HUNDAGISTINGIN...

fer vel af stað, því að það eru öll pláss að fyllast í ágúst. Við eigum eitthvað laust næstu 2 vikur en það er að verða fullbókað seinnipart mánaðarins.

Þeir sem nýtt hafa sér þjónustuna hafa fengið sæla og glaða hunda heim að fríinu loknu.  Allir hundar eru velkomnir til okkar svo fremi sem þeir eru bólusettir og ormahreinsaðir.

kveðja,

Sirrý 

Upphaflega...

var hugmyndin að para Emblu og Skugga á haustdögum, en nú er skvísan byrjuð að lóða og mun því verða pöruð núna í endaðan Júlí. Það þýðir auðvitað að við verðum með haust got því hvolparnir verða þá væntanlegir í endaðan September.

Hvolpar undan þeim hafa komið mjög vel út, eru skapgóðir og skemmtilegir.  Við gerum ráð fyrir að fá  bæði gula og svarta hvolpa, þar sem Emblan er gul og Skugginn svartur.

Við viljum gjarna heyra frá þeim sem hafa áhuga á að vera á hvolpalista hjá okkur. Síminn okkar er 772-5477 og netfangið er uppahalds@gmail.com.

Hvolparnir verða að sjálfsögðu ættbókarfærðir hjá HRFÍ, og afhendast bólusettir, örmerktir og heilsufarsskoðaðir. Afhending yrði þá um mánaðamótin nóvember/desember.

Hlakka til að heyra frá ykkur áhugasömu ;)

En þangað til næst minni ég alla á að:

VARAST EFTIRLÍKINGAR...

kveðja,

Sirrý

UPPÁHALDS HUNDAGISTING

Þarftu að koma hundinum þínu í gæslu á meðan þú skreppur í frí? Viltu að honum líði sem best? að hann geti verið inná heimili en ekki í hundagerði? 

Við bjóðum uppá gæðagistingu fyrir hunda. Þeir eru inni á heimilinu, hver í sér búri á nóttunni en taka svo þátt í okkar daglega lífi á daginn. Við förum með hundana í gönguferðir um nágrenið og jafnvel í fjallgöngur ef svo ber við.

Í 10 mín. göngufæri er lækur sem er afar vinsæll af hundum :) 

Við erum bara með 2-3 pláss ( fer eftir stærð þeirra hunda sem gista hér) svo það er fljótt að fyllast hjá okkur.

Við stillum verðinu í hóf:

Gisting í einn sólarhring án matar  kr: 2000/-   með mat  kr: 2500/-

Við eigum laus pláss í  fyrir hunda frá 11. - 27.júlí. Svo eigum við laust   frá 2. ágúst. 

Ekki hika við að hringja í okkur og fá að koma og skoða aðstöuna áður en þú ákveður þig :)

Sirrý Birgis, Sími 772-5477,  uppahalds@gmail.com